Conspiracy

රාජපක්ෂලා නම් හොරු… හොරු නම් රාජපක්ෂලා…. රුපියල් මිලියන 600කට පොලු තබා සේවකයන් පාරට දමා අතුරුදන් වු රාජපක්ෂ! එක්සත් ජාතින්ගේ සංවිධානයටත් වංචා කරලා… යහපාලනයත් ආරක්ෂා කල කම්බ හොරු රටේ ජනතාවට බාරයි….

Published on: Feb 8, 2020- රාජපක්ෂලා යනු කම්බ හොරුය …. දේශපාලනය තුල රාජපක්ෂ නාමය ගැවුන තැනක් අයෙක් සිටි නම් ඔහු හොරකම් කිරිමට සමත්කම් ඇත්තේකු වන්නෙ නිරායාසයෙන්මය. මේ කතාව නිශාන්ත රුවන් සෙනවිරත්න රාජපක්ෂ හෙවත් කෙටියෙන් මේජර් නිශාන්ත රාජපක්ෂ ගැනය.

මේජර් නිශාන්ත රාජපක්ෂ නැමත්තා මේ වනවිට රුපියල් මිලියන 600කට අධික මුදලක් ලංකාවේ මුල්‍ය ආයතන මෙන්ම විවිධ ව්‍යපාරිකයන්ගෙන් කූට ආකාරයට ලබාගනිමින් පවුල පිටින්ම අතුරුදන්ව සිටින අතර ඔහුගේ බිරිදගේ දරු දෙදෙනාගේ සහ ඔහුගේ නමින් පවත්වාගෙන යන NSTN Maritime Services යටතේ සේවය කල විශාල සේවක සංඛ්‍යාවකට මේ වනවිට මාස 10කට ආසන්න කාලයක් වැටුප් පවා නොලැබෙන අතර ඔහුන්ද අන්ත අසරණ තත්ත්වයකට වැටි සිටි.

ජනතා මුදල් කොල්ල කෑ මේජර් නිශාන්ත….

දැනට අනාවරණය වන ප්‍රමාණයට අනුව මේජර් නිශාන්ත රාජපක්ෂ නැමත්තා Pan Asia Bank සදහා මිලියන් 70ක පොල්ලක් තබා ඇති අතර එම මුල්‍ය වංචාව සදහා එම බැංකුවේ නියෝජ්‍ය සාමාන්‍යාධිකාරිවරයෙකු සaජුවම සම්බන්ධ වි ඇති බවද අනාවරණය වි තිබේන අතර ඔහු සම්බන්ධයෙන් ඉදිරියේදි අනාවරණය කිරිමට අප කටයුතු කරනු ඇත. ඊට අමතරව Union Bank වට මිලියන 4ක්,Seylan Bank වට මිලියන 6ක්, HSBC බැංකුවට මිලියන 2ක් සහ Nations Trust Bank සදහා මිලියන 3ක් මෙන්ම රාජ්‍ය බැංකු සියල්ලටම මිලියන් ගණනින් පොලු තැබිමටද මේජර් නිශාන්ත සමත්ව තිබේ.

මිට අමතරව NSTN Maritime Services පෙන්වා යුධ හමුදාවේ බල සේනාංක භාරව සිටි ජ්‍යෙෂ්ඨ හමුදා නිලධාරියෙකුගෙන් ලක්ෂ 150ක මුදලක්,කොට්ටේ ප්‍රවාහන ආයතනයක හිමිකරුවෙකුගෙන් ලක්ෂ 100ක්, ලබාගැනිමට මේජර් නිශාන්ත කටයුතු කර ඇත්තේ සිය බිරිදට පිළිකාවක් වැලදි ඇති බවත් ඒ සදහා විදේශගතව ප්‍රතිකාර කිරිමට අවශ්‍ය බව පවසමින් ය. ලංකාවේ ප්‍රසිද්ධ හිටපු ගුවන් නියමුවකුගෙන් ලක්ෂ 350ක මුදලක්, වර්තමානයේ අධ්‍යක්ෂවරුන් පත්කිරිම සදහා අවශ්‍ය සුදුසුකම් බැලිම සදහා ගෝඨාභය ජනපති පත්කල කමිටුවේ සිටින සුප්‍රකට ව්‍යාපාරිකයෙකු වන,ඩයන් ගෝමස්ගෙන් ලක්ෂ 325ක මුදලක්ද මේජර් නිශාන්ත ලබාගෙන තිබේ. ලංකාවේ සුප්‍රකට ආහාර නිෂ්පාදනයන් වන ෆැබ් සමාගමෙන් ලක්ෂ 100ක්,මිට අමතරව යුධ හමුදාවේ සමකාලීන නිළධාරීන් 40 දෙනෙකුගෙන් පමණ ලක්ෂ 5 සිට ලක්ෂ 20 වැනි පරාසයන් වල මුදල් ලබාගෙන තිබේ.

රටේ ජනතාවගේ මුදල් සහ ශ්‍රමය හුරාගෙන කමින් ජනපති,අගමැති කවුරුන් පත්වුව්ද ඔහුන් සමග ඩිල් දමමින් යෙහෙන් වැජබෙන රාජපක්ෂ පරපුරේ කවුද මේ මේජර් නිශාන්ත රාජපක්ෂ.

මේජර් නිශාන්ත රාජපක්ෂ ශ්‍රී ලංකා හමුදාවේ විශ්‍රාමලත් නිලධාරියෙකු වන අතර දශක දෙකකට ආසන්න කාලයක් ආරක්ෂක හා ආරක්ෂක මෙහෙයුම් පිළිබඳ අත්දැකීම් ඇති අයෙකි. ඔහු යුද හමුදාපතිවරයාගේ ඒඩීසී, ආරක්ෂක මාණ්ඩලික ප්‍රධානීගේ හමුදා සහකාර සහ ශ්‍රී ලංකාවේ හිටපු ජනාධිපතිවරයෙකු සඳහා ආරක්ෂක භාර නිලධාරියා ද විය.

88 89 කාලයේ බටලන්ද වධකාගාරයේ එක් අලුගෝසුවෙක් විදියට කටයුතු කල මේජර් නිශාන්ත හමුදාවේ සේවය කරන සමයේ තමන්ගේ ජේෂ්ඨ නිලධාරි වූ හිටපු මේජර් ජෙනරාල් මිලින්ද පීරිස් (වර්තමානයේ කොතලාවල ආරක්ෂක විශ්ව විද්‍යාලයේ වත්මන් උපකුලපති) ඝාතනය කිරිමට උත්සහ කල අතර පසුව එය අනාවරණය වුනා.

මෙම ඝාතන උත්සහය හමුදාව විසින් අනාවරණය කර ගැනිම සමඟ හමුදාවේ සිරගත වී තනතුරෙන් පහත හෙලීමට පවා ලක් වු මේජර් නිශාන්ත තනතුරෙන් පහත හෙලීම නිසා නැවතත් නිලයේ උසස් වීමක් බලාපොරොත්තු විය නොහැකි නිසා අවසනායේ හමුදාවෙන් ඉවත් විමට කටයුතු කර තිබේ.

පසුව තම මිතුරන් කිහිපදෙනෙක්ගේ උපකාර සහිතව එක්සත් ජාතින්ගේ සංවිධානයට ඇතුලත් වීමට කටයුතු කොට ඇති මේජර් නිශාන්ත ඒ සඳහා විවිධ කූට ලේඛන භාවිත කළ බවට මේ වන විට අනාවරණය වී තිබෙන අතර ඒ සම්බන්ධයෙන් එක්සත් ජාතින්ගේ සංවිධානය නිළ වශයෙන් ශ්‍රි රජයටද එවකට දැනුම් දි තිබේ.

උදාහරණයක් ලෙස තම රටෙහි හෝ තමා සේවය කළ ආයතනය තුළ හෝ තම චරිතය තුළ හෝ අපරාධමය පසුබිමක් නිසා තනතුරෙන් පහත හෙලන ලද කිසිවෙක් එක්සත් ජාතින්ගේ සංවිධානය සිය නිත්‍ය සේවය සඳහා පත් කර නොගත්ත ද තම ජේෂ්ඨ නිලධාරියාගේ ජීවිතයට අනතුරක් කිරීමට තැත් කළ මොහු එහි නිත්‍ය සේවය සඳහා තෝරා ගැනීමට අදාළවයි එම කූට ලේඛන සකස් කර ඇත්තේ.

මේජර් නිශාන්ත ඇසුරු කරන පුද්ගලයන්ට අනුව මොහු කූඨ ලේඛන සකස් කිරීම පිළිබඳව ඉතා විශිෂ්ටයෙක් ලෙස හදුන්වන අතර ඒ හරහා ඔහු විවිධ දේ ලබා ගැනිමට සමත් වුවෙකි.

දශකයකට වැඩි කාලයක් ජෝර්ජියාව, එරිත්‍රියාව, ඉතියෝපියාව, ඊශ්‍රායලය, උතුරු සුඩානය සහ දකුණු සුඩානය යන රටවල එක්සත් ජාතීන්ගේ සාම සාධක මෙහෙයුම් වල යෙදුනු මේජර් නිශාන්ත කුප්‍රකට ජාවාරම් කාරයෙකු බව එක්සත් ජාතින්ගේ සංවිධානය හදුනා ගන්නා විට වෙන්න ඔන සියල්ලම සිදුව තිබේ.

එලෙස සුඩානය එරිත්‍රියාව වැනි රටවල එක්සත් ජාතින්ගේ සංවිධානය තුළ සේවය කරමින් සිටියදි තමාට අසනීප තත්ත්වයක් ඇති බවට බොරු හේතු දක්වමින් මොහි එහි සේවයෙන් ඉල්ලා අස් වු අතර හොදින් රාජකාරු කරමින් සිටියදීම මෙවැනි රැකියාවකින් ඉල්ලා අස්වීමට මේජර් නිශාන්ත කටයුතු කලේ මන්ද යන්න ගැටලු සහගත තත්ත්වයක් වු අතර ඊට හේතුව වි ඇත්තේ එක්සත් ජාතින්ගේ සංවිධානයේ විශේෂ කණ්ඩායමක් ඔහු සම්බන්ධයෙන් විශේෂ පරික්ෂණයක් දියත් කර තිබිමයි.

ඒ අනුව සිදුකල පරික්ෂණ වලදි අනාවරණය වුයේ එරිත්‍රියාව සහ සුඩානය වැනි රටවල රාජකාරිය කරන අතරතුර එම රටවල විවිධ පතාල කල්ලි සහ මැර කණ්ඩායම් සමඟ මේජර් නිශාන්ත සමීප සබඳතාවයන් පවත්වා ඇති බව අනාවරණය වනවිට මේජර් නිශාන්ත රැකියාවෙන් ඉවත් වි ලංකාවට පැමිණ අවසන්. වෛද්‍ය හේතු මත රැකියාවෙන් ඉවත් වීමට ඉල්ලුම් කිරීමේ දි අදාළ වෛද්‍ය පරික්ෂණය සමත් වුවහොත් විශාල වන්දියක් සහිතවම එක්සත් ජාතින්ගේ සංවිධානයේ රැකියාවෙන් ඉවත් වීමට හැකි බව දැනගත් මේජර් නිශාන්ත එම වන්දියත් රැගෙන එක්සත් ජාතින්ගේ සංවිධානයෙන් ඉවත් වී ලංකාවට පැමිණ තිබේ.

එක්සත් ජාතින්ගේ සංවිධානයට ඇති බලය සහිතව එම සංවිධානයේ රථ වාහන ලෝකයේ මොනයම් ස්ථානයකදීවත් පරික්ෂාවට ලක් නොවීම උපකාරි කරගනිමින් මේජර් නිශාන්ත තමා ගමන් කළ රථ මගින් එම කැරලිකරුවන්ට අවශ්‍ය අමුද්‍රව්‍ය, මත්ද්‍රව්‍ය, රත්‍රන් සහ දියමන්ති වැනි දේ සපයා ඇති අතර ඒ මගින් විශාල ලෙස අයථා මුදල් සම්භාරයක් උපයා ඇති බව එක්සත් ජාතින්ගේ සංවිධානය විසින් අනාවරණය කරගෙන තිබේ.

දවසට දෙකට වෙනස් වු මේජර් නිශාන්තගේ පවුල…

එවකට ලංකාවේ සරලව ජීවත් වූ පවුලක් විදියට මේජර් නිශාන්ත රාජපක්ෂ පවුල හදුන්වා දිය හැකිය. මොහුගේ භාර්‍යාවගේ නම වන්නේ නිරෝෂා රාජපක්ෂ. ඇය ඉසිපතන විද්‍යාලයේ ගුරුවරියක් ලෙස කටයුතු කල අතර ඔහුගේ දරුවන් වන තමායා සහ ශවීන් පවා සාමාන්‍ය ලෙස රජයේ පාසල් වල අධ්‍යාපනය ලැබූවන්.

මේජර් නිශාන්ත එක්සත් ජාතින්ගේ සංවිධානයේ සේවය කරමින් සිටියදි හදිසියේම නිරෝෂා රාජපක්ෂට විශාල වශයෙන් මුදල් ලැබීමට පටන් ගත් අතර ඇය වහාම සිය රජයේ රැකියාවෙන් ඉවත් වන අතරම සිය දරුවන් බ්‍රිටීෂ් ජාත්‍යන්තර පාසල වෙත ඇතුලත් කරනවා. (සාමාන්‍යයෙන් මෙම ජාත්‍යන්තර පාසලේ කාර්තුවක් සඳහා ලක්ෂ තුනාමාරක් වැනි මුදලක් අය කරනු ලබනවා.) මීට අමතරව ඇය අත්තිඩිය ප්‍රදේශයේ පිහිනුම් තටාක, පෞද්ගලික බීමහල්වල් ඇතුලත් අති සුඛෝපභෝගි නිවසක් සෑදීම ආරම්භ කරනු ලැබු අතර විවිධ ආයතන සදහා සුළු පොලියට ණය ලබාදිමද ආරම්භ කර තිබේ.

ලංකාවට පැමිණී මේජර් නිශාන්ත

ලංකාවට පැමිණීමත් සමඟ සිය ඊලඟ මෙහෙයුම් ආරම්භ කල මේජර් නිශාන්ත සෝමාලියාව, එරිත්‍රියාව සහ සුඩානය වැනි රටවල මුහුදු මංකොල්ලකරුවන් පැහැර ගන්නා නැව් සහ මගින් සම්බන්ධයෙන් මුහුදු මංකොල්ලකරුවන් සමඟ සාකච්ඡා කොට බේරා ගැනීමට සම්බන්ධ සංකල්පයක් ක්‍රියාත්මක කිරිමට කටයුතු කර තිබේ.

ඒ අනුව ලංකාව හරහා අප්‍රිකා මහද්වීපය වෙත හෝ එයින් ඔබ්බට යන නෞකා වෙත ආරක්ෂාව සැපයිමට ලංකාවට හැකියාවක් ඇති බව වන සංකල්පය රැගෙන එන්නේ මේජර් නිශාන්ත විසිනි.(එවකට ඇවන්ගාඩි සමාගම ආරම්භ කොට තිබුණද මුහුදු ආරක්ෂක සමාගමක් විදියට එම සමාගම ක්‍රියාත්මක නොවීය.)

එම සංකල්ප සමඟ මේජර් නිශාන්ත එවකට ආරක්ෂක ලේකම් ගෝඨාභය රාජපක්ෂ වෙත සමීප වීමට කටයුතු කරන අතර ඒ වෙනුවෙන් රාජපක්ෂ නාමයද භාවිතා කර ගැනිමට තරම් මේජර් නිශාන්ත දක්ෂ විය.

ඒ ආකරයෙන් මෙම ව්‍යාපරය ආරම්භ කරන අතර ම ගෝඨාභය රාජපක්ෂගේ අමාත්‍යාංශයේ අතිරේක ලේකම්ව කටයුතු කොට යහපාලන රජය සමයේ මේ පිළිබඳව පරික්ෂණ ආරම්භ වෙද්දීම රට පැන හැංගි සිටිය දමයන්ති ජයසූරිය වෙත විශාල කප්පම් මුදල් ගෙවිම හරහාය.

මේජර් නිශාන්ත ව්‍යාපාරයේ නාමය වූයේ NSTN Maritime Services (Pvt) Ltd වශයෙනි. තමා සිය දරුවන් දෙදෙනා හා බිරියගේ නාමයන් ගේ මුලකුරු යොදා ගෙන මෙම සමාගමේ නාමය සැදිමට කටයුතු කොට ඇත. මෙම ආරක්ෂක ව්‍යාපරයට අමතරව දේශීය ආයතන වෙත ආරක්ෂාව සපයන්න STAD යන නමින් තවත් ආරක්ෂක සමාගමක් ද මොහු විසින් ආරම්භ කරනු ලැබ තිබේ. ඒවකට ආණ්ඩුවේ ආයතන රැසක හා ආරක්ෂක සේවාවන් අවශ්‍ය ස්ථාන රැසකට ආරක්ෂාව සපයන්නේ මේජර් නිශාන්තගේ STAD නැමති ආයතනය හරහාය.

නිශ්ශංක සේනාධිපතිගේ ආගමනය….

නිශ්ශංක සේනාධිපති මෙම ව්‍යාපාරයට සම්බන්ධ වන්නේ මෙම කාලයේදි වන අතර තනතුරු වල ගැටලුවක් නිසා මොවුන් දෙදෙනා අතර විරසකයක් නිර්මාණය වීම ද ආරම්භ වු අතර නිශ්ශංක සේනාධිපති ගෝඨාභයගේද ආශිර්වාදය සහිතව මේජර් නිශාන්තට ගේම දී මෙපමණ කලක් මොහු සතුව තිබු ආරක්ෂාව සැපයීමේ සේවාව ඇවන්ගාඩ් සමාගම වෙත ලබ ගැනිමට සමත්විය.

ඒත් සමඟම ඇවන්ගාඩ් සමාගමේ හිමිකරු නිශ්ශංක හා මේජර් නිශාන්ත අතර ජන්මාන්තර වෛරයක් හට ගත් අතර එය සමනය කිරිම සදහා ගෝඨාභය ආරක්ෂක ලේකම්වරයා රජයේ රැකියා විශාල ප්‍රමාණයක් මෙහුගේ සමාගම වෙත ලබා දෙන අතර අධිවේගි මාර්ග වල ආරක්ෂක සේවා සැපයීම තනිකරම මොහු යටතට පත් කර තිබේ.

මේජර් නිශාන්තගේ යහපාලන ගමන…..

මහින්ද රාජපක්ෂ රජය පෙරලි යහපාලන ආණ්ඩුව ඇති වීමත් සමඟ මේජර් නිශාන්ත යහපාලන ආණ්ඩුවට සම්බන්ධ වු අතර ඒ හරහා තමන්ට අහිමි වූ බලපත්‍රය ලබා ගැනිම සදහා ආණ්ඩුවේ අමාත්‍යවරු අමාත්‍ය ලේකම්වරු විශාල ප්‍රමාණයක් සමග ඩිල් කිරිම ආරම්භ කර තිබේ.

ඒ හරහා තම බලපත්‍රය නැවත ලබා ගන්න මේජර් නිශාන්ත නිශ්ශංක සේනාධිපතිට එරෙහිව අල්ලස් හා දූෂණ කොමිසමේ මෙන්ම අපරාධ පරීක්ෂණ දෙපාර්තමේන්තුවේ පවා පැමිණිලි ගොනු කරනු ලැබුවා.(නිශ්ශංක සේනාධිපතිද හොරෙකු බව කරුණාවෙන් මතක් තබා ගන්න)

මීට අමතරව ඇවන්ගාඩ් සමාගමට එරෙහිව රූපවාහිනි වෙත ප්‍රකාශ කිරීමටද මේජර් නිශාන්ත කටයුතු කරන අතර 2015 පෙබරවාරි 09 වන දින නාවික ආරක්ෂක සේවා සැපයීමේ ඒකාධිකාරය ඇවන්ට්ගාර්ඩ් සමාගමට ලබා දී ඇත්තේ රුපියල් මිලියන පන්සියයක අල්ලසක් ලබා දීම හේතුවෙන් බව පෙන්වා දෙමින් මේජර් නිශාන්ත රාජපක්ෂ මහතා අල්ලස් කොමිසමට පැමිණිල්ල ඉදිරිපත් කල අතර එම පැමිණිල්ලේ සදහන්ව් තිබුනේ 2010 වසරේ ඇවන්ට්ගාර්ඞ් සමාගම විසින් මෙම මුදල හිටපු ජනාධිපති මහින්ද රාජපක්ෂගේ ජනාධිපතිවරණ පූර්ව ප‍්‍රචාරක කටයුතු සඳහා ලබාදුන් බවයි.

පැමිණිල්ලේ චූදිතයන් ලෙස හිටපු ආරක්ෂක ලේකම් ගෝඨාභය රාජපක්ෂ, එම අමාත්‍යාංශයේ අතිරේක ලේකම් දමයන්ති ජයරත්න, රක්නා ආරක්ෂක ලංකා සභාපති පාලිත ප‍්‍රනාන්දු, ඇවන්ට්ගාර්ඩ් සමාගමේ හිමිකරු නිශ්ශංක සේනාධිපති යන අය නම් කර තිබුනා.

යහපාලන කාලයේදි මොහුගේ පෞද්ගලික ආරක්ෂක සේවා සැපයීමේ ව්‍යාපාරය ඉහලටම යන අතට කෝට්ටේ ප්‍රදේශයේ කුඩා තැනක පවත්වා ගෙන එම සමාගම බත්තරමුල්ලේ අක්කර භාගයක භූමි ප්‍රමාණයක ගොඩනැගිල්ලකට ගෙන යාමට පවා මේජර් නිශාන්ත සමත්විය.

මේජර් නිශාන්ත අතුරුදන් විම…

මෙසේ තිබියදි හදිසියේම මේම සමාගම වසා දැමෙන අතර සමාගමේ සේවය කල කිසිම සේවකයෙකුට පසුගිය මාස 10ක කාලය තුල වේතන පවා ලැබී නොමැත. ETP, EPF ගෙවා නැත. ආරක්ෂක අමාත්‍යංශය වෙත ගෙවිය යුතු බදු මුදල පවා ගෙවා නොමැත. තත්ත්වය මෙසේ වෙද්දි ඇත්තටම සමාගම හට කුමක් සිදු වී ඇත්ද යන්න පිළිබඳව සේවකයන් විසින් සෙවීම ආරම්භ කොට තිබේ.

එහිදි අනාවරණය වූයේ නිශාන්ත රාජපක්ෂ, නිරෝෂා රාජපක්ෂ, තමයා රාජපක්ෂ හා ශවීන් රාජපක්ෂ යන යන රාජපක්ෂ යන නාමය භාවිතා කොට මිනිසුන්ගෙන් විශාල ධනස්කන්ධයක් කොල්ල කා ඇති බවය. මේ වන විට එම මුදල මිලියන 600 කට ආසන්න අතර එම පවුල මේ වන විට කොහේ සිටිනවාද යන්න පවා දැන ගැනීමට නොහැකිය.

අත්තිඩියේ නිවස විකුණා ඇති අතරම බත්තරමුල්ල ප්‍රදේශයේ ජීවත් වූ අධි සුඛෝපභෝගි නිවසද විකුණා දමා ඇත. දියණිය සහ මව මේ වන විට අමෙරිකාවේ නිව් ජර්සි ප්‍රාන්තයේ ඥාති නිවසක සිටින බව ආරංචි වන අතරම එම ඥාතියාද මේ වන විට එක්සත් ජාතින්ගේ සංවිධානයේ සේවය කරන්නෙකි. එසේම එම ඥාතියාගේ නැගණියද ලංකාවේ සුපිරි නිරූපණ ශිල්පිනියක් සහ නිලයක් ලෙස කටයුතු කරන්නියකි. ඇයගේ ස්වාමිපුරුෂයා කලක් ස්වර්ණවාහිනීයේ විධායක අධ්‍යක්ෂවරයා ලෙස කටයුතු කොට ස්වර්ණවාහිනීයට විශාල ලෙස මුදල් වංචා කොට මේ වන විට ඕස්ට්‍රේලියාවේ සිටින අයෙකු බවද අනාවරණය වි තිබේ.

හොරා කෑ මුදල් වලින් බාල් නටයි…

සේවකයන් අනාථ කරමින් ඔහුගේ සේවයට පඩියවත් නොගෙවා අතුරුදන් ව ඇති මේජර් නිශාන්ත සහ ඔහුගේ පවුල රටින් පැනිමට පෙර බාල් නටා ඇති බවද මේ වනවිට අනාවරණය වි තිබේ.රටින් පිටවිමට පෙර මේජර් නිශාන්තගේ බිරිදගේ උපන්දිනය වෙනුවෙන් කොළඹ ජයික් හිල්ටන් හී 300 දෙනෙකු කැදවා විශාල සාදයක් පැවැත්වු අතර එම සාදයට පොඩි රාජපක්ෂලාගේ සිට නාකී රාජපක්ෂලා දක්වාම සහභාගි වි තිබේ.

මේජර් නිශාන්තගේ බිරිද වන නිරෝෂා රාජපක්ෂ රනිල් වික්‍රමසිංහ අගමැතිවරයාව සිටි සමගේ ඔහුගේ බිරිද වන මෛත්‍රී වික්‍රමසිංහ පවා සමීපව ආශ්‍රය කිරිමට සමත්වු අයෙකු වන අතර මේජර් නිශාන්තගේ දියණීයගේ විවාහය ලියාපදිංචිය (Engagement) එක බත්තරමුල්ලේ Waters Edge හෝටලයේ 400කගේ සහභාගිත්වයෙන් පැවැත්වු අතර ඒ සදහා හෝටලයට පමණක් එක්කෝටි විසි ලක්ෂයක මුදලක් ගෙවා තිබේ.ඇය විවාහ වි ඇත්තේ ගාමිණී ලෝකුගේ අමාත්‍යවරයාගේ සමීපම ඥාති පුත්‍රයෙකු සමගය.

කවුද මේ ලලන්ත වටදුර

මේජර් නිශාන්තගේ පුත්‍රයා ඔස්ට්‍රේලියාවේ Deakin University හි අධ්‍යාපණය හදාරණ අතර ඔහුට ජිවත් විමට තනි නිවසක් පවා ඔස්ට්‍රේලියාවේ තිබේ.ශවීන් හෙවත් මේජර් නිශාන්තගේ පුත්‍රයා විවාහය විමට සිටින්නේද ලංකාවේ සුප්‍රකට ව්‍යාපාරිකයෙකු වන ලලන්ත වටදුරගේ දියණිය සමග වන අතර මේජර් නිශාන්ත කූට ආකාරයට උපයාගත් මුදල් වලින් වැඩි ප්‍රමාණයක් ලලන්තලාගේ ව්‍යාපාර වලට යොදවා තිබිමද විශේෂත්වයක්.

නාමල් සමග රගර් ගැසු රෝෂාන් …!!!

ලලන්ත වටදුරට අයත් එංගලන්තයේ ව්‍යාපාරයක් දියත් වන අතර එම ව්‍යාපාරය භාරව සිටින්නේ නාමල් රාජපක්ෂ සමග රගර් ගැසු රෝෂාන් නැමත්තේකු වන අතර ඒ හරහා සිදුවන දැවැන්ත වංචනීක ඩිල් කරණය සම්බන්ධයෙන් තොරතුරු රැසක් බලාපොරොත්තු වන්න.

නිශාන්ත, රාජපක්ෂලාගේ කවුද? දැනට ඔහු ලංකාවේ ඉන්නවා ද එසේනම් කොහේද? ලංකාවෙන් පිටට ගොස් ඇත්ද? මේ දක්වා මේජර් නිශාන්ත සම්බන්ධයෙන් පැමිණිලි රැසක් ඉදිරිපත්ව තිබුනද ඒ සම්බන්ධයෙන් කිසිදු පරික්ෂණයක් ආරම්භ වි නොමැති විම ගැන පුදුමයට පත්විය යුතු නැත. මන්ද ඒ පසුපස රාජපක්ෂලා,සිරිසේනලා,වික්‍රමසිංහලා හා බැදුනු දැවැන්ත ඩීල් ජාලාවක් තිබිමය.

කතෘ සටහන :-

මේජර් නිශාන්තලා හොදට කා බී ජිවත් විම ගැන අපට කිසිම තරහක් නැත.නමුත් රටේ ජනතාවගේ බදු මුදල් හොරාකමින්,ජනතාවගේ ශ්‍රමය සුරාකමින් මේජර්ලා නොව ෆීල්ඩ් මාෂල්ලා හෝ ජිවත් වන්නේ නම් ඒ පිළිබඳව ජනතාව දැනුවත් කිරිම අප සතු යුතුකමකි.
Lanka News Web පවත්වාගෙන යෑම සදහ ඔබගේ උදවු අවශ්‍ය අවශ්‍යම මොහොතක්…

Loading…



Copyright © 2017 LNW TODAYThemetf

To Top