Political

රනිල්,මහින්ද.ගෝඨා ඩීල් සහ සජිත්ගේ පරාජයට බලපෑ තවත් හේතු….

Published on: Dec 4, 2019 – සජිත් ප්‍රේමදාස ජනාධිපතිවරණයේදි පරාජය කිරිමට රනිල් වික්‍රමසිංහ ඇතුලු වික්‍රමසිංහ නඩය කලෙ කුමක්ද යන්න දැන් ඉතාම පැහැදිලිය.පාර්ලිමේන්තුව කල්දමා මහින්ද සමග රනිල් හෙලුවෙන් ඉන්නා අකාරය දැන් රටටම රහසක් නොවේ.පහත දැක්වෙන්නේ සජිත්ගේ පරාජයට බලපෑ තවත් කාරණයකි.එය ලියු පුද්ගලයෙකු ගැන සටහනක් නොමැති වුවද තාර්කික අතින් ගත් කල එහි යම් ගතයුත්තක්ද තිබේ.නමුත් මෙම සටහන හරහා අවසානයේ වික්‍රමසිංහ සුද්ද කිරිමටද උත්සහයක් ගෙන ඇති බව ඉතා පැහැදිලිය.නමුත් අවශ්‍ය වන්නේ පරාජයට හේතුවු කරුණු රැස් කිරිම පමණී.

සජිත් ප්‍රේමදාස මහතා පමනක් තමුන්ගේ ආසනය වන තිස්සමහාරාමය වැඩි ජන්ද 48,118කින් පරාජයට පත් වු අතර ඔහුගේ නායකත්වය යටතේ තිබූ හම්බන්තොට දිස්ත්‍රික්කයද පරාජයට පත් විය. හම්බන්තොට දිස්ත්‍රික්කයේ ඔහු උදා ගම්මාන 300 සාදා දුන් බවත් දිස්ත්‍රික්කයේ මහා සංවර්ධනය ව්‍යාපෘති ගනනාවක් කල බවත් මැතිවරණ වේදිකාවේ අප ඇසු මුත් ජනතාවට ඉන් කිසිදු පලක් නොමැති වී ඇතැයි ප්‍රතිඵල බැලු විට පෙනෙන්නට තිබේ.

ඒ සමගම ඔහුගේ මිතුරු සගයන් වන අජිත් පී පෙරේරා – බන්ඩාරගම වැඩි ජන්ද 35,898 කින්, සුජීව සේනසිංහ – කඩුවෙල වැඩි ජන්ද 57,060 කින්, දිලිප් වෙදආරච්චි තංගල්ල වැඩි ඡන්ද 50,532, රංජිත් මද්දුම බංඩාර – මොනරාගල වැඩි ජන්ද 30,672කින්, හර්ෂ ද සිල්වා – කෝට්ටේ 9225කින් , මංගල සමරවීර – මාතර වැඩි ජන්ද 25,456 කින්, චම්පික රණවක මහරගම වැඩිඡන්ද 42205 කින් අජිත් මාන්නපෙරුම වැඩි ඡන්ද 52523 කින්, බුද්ධ්ක පතිරණ – අකුරැස්ස වැඩි ජන්ද 32,055කින්, ඉරාන් වික්‍රමරත්න මොරටුව වැඩි ඡන්ද 21255, හර්ෂන රාජකරුණා දොම්පෙ වැඩි ඡන්ද 39125, , චන්ද්‍රානි බණ්ඩාර නැගෙනහිර අනුරාධපුරය වැඩි ඡන්ද 23798, ගයන්ත කරුණාතිලක බෙන්තර ඇල් පිටිය වැඩි ඡන්ද 29128, බන්දුල ලාල් බණ්ඩාරිගොඩ බද්දේගම වැඩි ඡන්ද 26753 කින්,නිරෝෂණ පෙරේරා වෙන්නප්පුව වැඩි ඡන්ද 19345, නලින් බංඩාර – බිංගිරිය 12,914කින්, අශොක අබේසිංහ – කුරුණෑගල 12,919 කින් , J C අලවතුවල මාවතගම වැඩි ඡන්ද 11837 කින්, තලතා අතුකොරාල- නිවිතිගල 18,115 කින්, තුෂාර ඉදුනිල් පඩුවස්නුවර වැඩි ඡන්ද 11270, හේෂා විතානගේ රක්වාන වැඩි ඡන්ද 10859, හරීන් ප්‍රනාන්දු බදුල්ල වැඩි ඡන්ද 3117 කින්, S M මරික්කාර් වැඩිඡන්ද 2776 කින්,වශයෙන් තමුන්ගේ සදාදරනීය නායකයානන්ව තම තමුන් සංවිධාන කල ආසන වලින් බරපතළ පරාජයට පත් කොට ඇති අතර එහි එකතුව (ආසන 24 ක) 626,955 කි.

ඉතිරිය වශයෙන් වන 733,061 ඉතිරි ආසන 136 ක සංවිධායක වරුන් අතර බෙදි ගොස් ඇත. සජිත් වටා සිටගෙන සජිත්ව රවටා තමන් ජාතික නායකයින් ලෙස අඟවා රට වටා නොගොස් වොක්ෂෝල් වීදියට පැමිණ මාධ්‍ය සංදර්ශණ නොපවත්වා තමන්ගේ ආසන මනා ලෙස සංවිධානය කලා නම් ප්‍රතිඵලය මීට හාත්පසින් වෙනස් වේ. එනම් මෙම ආසන 24 මනා ලෙස සංවිධානය කර කරට කර සටනක් ලබාදුන්නේ අප ජයග්‍රහනය කරනු නියතය.

මෙම ජනාධිපතිවරණයේදී එසේ තමන්ගේ ආසනය අවංකවම දක්ෂ ලෙස සංවිධානය කල හොදම උදාහරණය සේරුවිල ය. සේරුවිල ආසනයේ 2015 ජනාධිපතිවරණයේදී මෛත්‍රීපාල සිරිසේන ලබාගත් ඡන්ද ප්‍රමාණය 24,833 කි එය මෙවර සජිත් ප්‍රේමදාස වෙනුවෙන් 28,205 කින් ඉහල දමා ඇත. ඒ අනුව 2015 ට වඩා මෙවර වැඩිඡන්ද 3372 කින් ඉහල දමා ඇත. මේ වාගේම සිංහල බෞද්ධ වැඩි පිරිසක් ජීවත්වන ගාල්ල ආසනය රාජපක්ෂ ලාට 2015 සිට දිනා ගැනීමේ අවසථාවක් කිසිම විදියකින් උදා කර දී නොමැත. රත්මලානේ සිට මොනරාගල දක්වා අප දිනාගත් එකම ආසනයද ගාල්ලය. මේ දක්ෂ ආසන සංවිධායකයින්ගෙන් අප ආසනය සංවිධානය කරන ආකාරය ගැන ඉගෙන ගත යුතුය.

මේ ආකාරයෙන් සජිත් දැම්මොත් දිනනවාමයි කියමින් රටවටා ගිය පිරිස රට වටේ නොයමින් තමන්ගේ ආසන 24 සංවිධානය කලා නම් ගෝඨාභය ලබාගන්නේ ඡන්ද 62, 97,300 කි. එනම් මුලු ඡන්ද ප්‍රමානයෙන් 47.51% කි. එවිට සජිත් ඡන්ද 61,91,194 ක් එනම් 46.72% ක් ලබාගනු ඇත.

එසේ වුවා නම් දෙවන මනාපයට යා යුතුවන අතර සජිත් ට ජය ගත හැකි වනු ඇත. ඒ අනුව බලන කල සජිත්ව පරාජය කලේ ඇත්තෙන්ම සජිත්ව කඩේ ඇරිය මේ නඩය නොවේද. බුද්ධිමත්ව සිතන්න. දැන් අප කල යුත්තේ එක්සත්ව ඉදිරියට යෑම සදහා සියලු දෙනා එක්ව තම තමන්ගේ ආසන වලට ගොස් අනිත් අයට වැරැද්ද නොපටවා කන්නාඩියක් ඉදිරියට ගොස් තමනගෙන්ම විමසා පක්ෂය සංවිධානය කිරීමයි. එක්සත්ව ඉදිරියට යමු. ඒ අපේ පක්ෂයේ දර්ශනයයි.

 

Click to comment

Leave a Reply

Your email address will not be published. Required fields are marked *

Copyright © 2017 LNW TODAYThemetf

To Top